თბილისში გარდაცვლილი 4 წლის ბავშვის დედის ადვოკატის, ნინო ტაბატაძის განცხადებით, დაკავებული დუმილის უფლებას იყენებს.
მისივე თქმით, საქმის მასალებს ჯერ არ იცნობს.
„სახელმწიფოს ხარჯზე უმაღლეს დონეზე დავიცავთ. საქმის მასალები არ გადმომცემია, ამიტომ არ მაქვს ინფორმაცია. ბრალის წარდგენამდე უნდა შევხვდე, მაგრამ ბრალის წარდგენასაც დავესწრები“, – განაცხადა ნინო ტაბატაძემ.
თბილისში ოთხი წლის გოგონას გარდაცვალების შემდეგ ბავშვის დედა შემაკავებელი ორდერის დარჭვევის გამო დააკავეს.
2014 წელს დაბადებული გოგონას გარდაცვალების ფაქტზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს. გარდაცვალების ზუსტი მიზეზის დასადგენად დანიშნულია ექსპერტიზა.