ახალი ამბები მთავარი საზოგადოება

დღეიდან, საგანმანათლებლო დაწესებულებებში სასწავლო პროცესი განახლდა

დღეიდან, საქართველოს საგანმანათლებლო დაწესებულებებში სასწავლო პროცესი განახლდა. განათლების სამინისტროს რეკომენდაციის საფუძველზე, სწავლის დაწყებამდე შენობებში სადეზინფექციო სამუშაოები ჩატარდა.

საქართველოს განათლების, მეცნიერების, კულტურისა და სპორტის სამინისტრო, სასწავლო დაწესებულებებს რეკომენდაციით მიმართა, სასწავლო პროცესის აღდგენის შემდეგაც, სისტემატურად დაიცვან სრული სისუფთავე, დალაგდეს სველი წესით საკლასო ოთახები და დერეფნები, შესაბამისი ხსნარებით გაიწმინდოს მერხები, სკამები და სასკოლო ინვენტარი. სკოლებმა უზრუნველყონ სკოლის ექიმების სრულფასოვანი ჩართულობა პრევენციული ღონისძიებების განხორციელებისას და დაიცვან ყველა ის რეკომენდაცია, რაც დაავადების თავიდან ასცილებას უკავშირდება და რომელსაც ჯანდაცვის საერთაშორისო ორგანიზაციისა და საქართველოს დაავადებათა კონტროლის ეროვნული ცენტრი გასცემს.

შეგახსენებთ, რომ გრიპის ვირუსის გამო საქართველოს საგანმანათლებლო დაწესებულებებში სწავლა ერთი კვირით გადაიდო.

ავიაბილეთები იაფად
იტვირთბა....