„ალბათ, გადახედა ჩემს წარსულს, ჩემს დამსახურებებს ჩემი ქვეყნის წინაშე. აფხაზეთი-სამაჩაბლოს ბრძოლასთან დაკავშირებით და ის, რაც შეიარაღებულ ძალებში გამიკეთებია და დამინერგია. ყოველ წელიწადს მომდის მოლოცვები, როგორც ვეტერანს მომილოცა კვირიკაშვილმა შარშან და საჩუქრებიც კი მივიღეთ, ერთი ბოთლი კონიაკი იყო და ერთი ბოთლი ღვინო,“- ასე ეხმაურება ტრისტან წითელაშვილი “რუსთავი 2-თან” საუბრისას პრემიერ მამუკა ბახტაძის მიერ საახალწლო მილოცვას.
შეგახსენებთ, რომ ტრისტან წითელაშვილი ჯაშუშობის ბრალდებით იყო დაკავებული. მას ბრალად 2008 წლის რუსეთ-საქართველოს აგვისტოს ომის დრის რუსეთის ჯაშუშობა და მტრისათვის საიდუმლო ინფორმაციის გადაცემა ედებოდა.
2013 წელს “ქართულმა ოცნებამ” წითელაშვილი პოლიტპატიმრის სტატუსით გაათავისუფლა.