ოკუპირებული სამხრეთ ოსეთის ზნაურის რაიონში, სოფელ საკირეში მომხდარი ხანძრის შედეგად 52 წლის მამაკაცი დაიღუპა.
ინფორმაციას ამის შესახებ დე ფაქტო შინაგან საქმეთა სამინისტრო ავრცელებს
“ხანძარი მოხდა დაახლოებით 02:00 საათზე. ცეცხლი სოფელ საკირეში მდებარე საცხოვრებელ სახლს გაუჩნდა. 52 წლის მამაკაცი დაიღუპა ხანძრის შედეგად მიღებული დამწვრობებისგან. ხანძარი ლოკალიზებულია. ცეცხლი, სავარაუდოდ, ელექტრო გაყვანილობის სისტემიდან გაჩნდა”, – აცხადებენ დე ფაქტო უწყებაში.
დე ფაქტო უწყებაში აცხადებენ, რომ ზნაურის რაიონში 14 იანვარს ხანძრის სამი კერა დაფიქსირდა.
ავტორი: ნოდარ სხირტლაძე