ახალი ამბები მთავარი პოლიტიკა საზოგადოება

“თუ საპატრიარქო უკრაინის ეკლესიის ავტოკეფალიას ცნობს, რუსეთის საპატრიარქო აღიარებს აფხაზეთის ეკლესიის დამოუკიდებლობას”

„დემოკრატიული მოძრაობა-ერთიანი საქართველოს“ ლიდერი, ნინო ბურჯანაძე დარწმუნებულია, რომ საქართველოს ეკლესიის მიერ უკრაინის ეკლესიის ავტოკეფალიის ცნობის შემთხვევაში, რუსეთის საპატრიარქო ავტომატურად აღიარებს აფხაზეთის ეკლესიის დამოუკიდებლობას.

როგორც ბურჯანაძემ დღეს გამართულ ბრიფინგზე განაცხადა, არ უკვირს საქართველოს ეკლესიის ფრთხილი მიდგომა ამ საკითხისადმი

. „ბოლო პერიოდში ძალიან მნიშვნელოვანი თემები წამოიწია, მაგრამ მიმაჩნია, რომ ყველაზე მნიშვნელოვანი თემა, რომელიც მეტ-ნაკლებად აქტუალურია პოლიტიკურ სივრცეში, მაგრამ გაცილებით მეტ ყურადღებას იმსახურებს, არის საქართველოს ეკლესიის მიერ უკრაინის ეკლესიის ავტოკეფალიისთვის მხარის დაჭერა. ეს თემა არა მარტო ეკლესიისთვის, არამედ საქართველოს მომავლისთვის უაღრესად მნიშვნელოვანია. სრულიადაც არ მიკვირს ის ფრთხილი მიდგომა, რომელსაც საქართველოს საპატრიარქო იყენებს ამ საკითხის მიმართ, რასაც ვერ ვიტყვი ქართულ პოლიტიკოსებზე და ქართულ ექსპერტებზე.

მინდა, პოლიტიკოსებსა და ექსპერტებს მივმართო და ვკითხო, რა არის თქვენთვის უფრო უმნიშვნელოვანესი და უზენაესი, საქართველოს ინტერესები თუ ზოგადად ნათქვამი სიტყვები სამართლიანობასთან დაკავშირებით, ჩვენი სამშობლოს ერთიანობა თუ უკრაინის ინტერესი. პატივს ვცემ უკრაინასა და უკრაინელებს, მაგრამ ჩემი ქვეყნის ინტერესი ჩემთვის არის უზენაესი. მინდა, ვუთხრა იმ პოლიტიკოსებსა და ექსპერტებს, რომლებიც საქართველოს მოუწოდებენ, მხარი დაუჭიროს უკრაინის ეკლესიის ავტოკეფალიის აღიარებას, ერთი წამითაც არ ვუშვებ, რომ თქვენ არ გიყვართ თქვენი ქვეყანა და არ გინდათ აფხაზეთისა და სამაჩაბლოს დაბრუნება და ქვეყნის გამთლიანება. ნამდვილად არ მინდა, ასეთი შეურაცხყოფა მოგაყენოთ, მაგრამ სხვა ახსნას ვერ ვუძებნი თქვენს პოზიციას, ან უბრალოდ თქვენ არ იცით და არ გესმით, რა შეიძლება მოჰყვეს თქვენს სიტყვებს.

სრული პასუხისმგებლობით ვაცხადებ, ზუსტად ვიცი, დარწმუნებული ვარ, რომ თუ საქართველოს ეკლესია უკრაინის ეკლესიის ავტოკეფალიას ცნობს, რუსეთის საპატრიარქო ავტომატურად აღიარებს აფხაზეთის ეკლესიის დამოუკიდებლობას. ეს იქნება ძალიან მნიშვნელოვანი ნაბიჯი გადადგმული აფხაზეთისა და სამაჩაბლოს „დამოუკიდებლობისთვის“ და ეს იქნება დამღუპველი საქართველოს ერთიანობის პერსპექტივისთვის“, – განაცხადა ნინო ბურჯანაძემ.

 

სხვა ამბები

აფხაზავა – თავს გამარჯვებულად ვგრძნობ, რადგან შევძელი მსოფლიოსათვის გადამეცა ქართველი მასწავლებლის სათქმელი

newsadmin

აფხაზავა – ჩვენს ქვეყანას ჰყავს აფხაზავა და სწორედ მის გამო უდიდესი სიამაყის გრძნობა მაქვს

newsadmin

მსოფლიოს საუკეთესო მასწავლებელი კენიელი პიტერ ტუბიში გახდა

newsadmin

დუბაიში მსოფლიოს საუკეთესო მასწავლებლის დაჯილდოებისთვის ემზადებიან

newsadmin

ნატო-ს გენერალური მდივანი თბილისს ეწვია

newsadmin

გვარამია – ჩემთვის ნაცები არიან ამ ხელისუფლების შესაცვლელი პლატფორმა

newsadmin
იტვირთბა....