aviabiletebi
ახალი ამბები მთავარი საზოგადოება

საია – ზურაბიშვილის წინააღმდეგ არსებულ პეტიციას ძალა არ აქვს

aviabiletebi
ავიაბილეთები

პრეზიდენტობის დამოუკიდებელი კანდიდატის წინააღმდეგ არსებულ პეტიციას არავითარი ძალა არ გააჩნია. ამის შესახხებ საია-ს იურისტმა სალომე საღარაძემ “ფორტუნას” განუცხადა.

“რამდენი ხელმოწერაც არ უნდა მოაგროვოს, ეს უბრალოდ მოქალაქეების აზრის დაფიქსირებაა. სამწუხაროდ, ამას მავალდებულებელი ძალა რომელიმე ორგანოსთვის არ გააჩნია.

ამ საიტზე თუ კონკრეტულმა პეტიციამ მოაგროვა 10 000 ხელმოწერა მთავრობა ვალდებულია ის განიხილოს და თუ არ დაამტკიცებს ამის მიზეზი დაასაბუთოს. თუმცა, ამ საიტზე მკაცრად იფილტრება პეტიციები, წინასწარ შემუშავებული წესების მიხედვით, მაგალითად არ შეიძლება კონკრეტული პირის წინააღმდეგ დაწყებული პეტიციის განხილვა”, – აცხადებს იურისტი.

change.org-ზე გავრცელდა პეტიცია სახელწოდებით – მოხსნას სალომე ზურაბიშვილმა საპრეზიდენტო კანდიდატურა. პეტიციის ავტორი გიორგი კალატოზიშვილია.

“მოვითხოვთ მმართველი გუნდისგან, რომლის საპრეზიდენტო კანდიდატია ქ-ნი სალომე ზურაბიშვილი და ასევე, თავად ქალბატონი სალომე ზურაბიშვილისგან – დაუყოვნებლივ მოხსნას მისი კანდიდატურა 2018 წლის საპრეზიდენტო არჩევნებიდან. მიგვაჩნია, რომ ქალბატონი სალომე ზურაბიშვილი წინასაარჩევნო კამპანიის პერიოდში ღიად და დაუფარავად ატარებდა და ატარებს ანტისახელმწიფოებრივ პოლიტიკას, რომელიც ვნებს ქვეყნის დეკლარირებულ დასავლურ კურსს და ღირებულებებს. მიგვაჩნია, რომ ადამიანი, რომელიც ავრცელებდა და ავრცელებს საქართველოს ოკუპანტი ქვეყნის, რუსეთის, კერძოდ კრემლის ნარატივს და გზავნილებს, ვერ შეასრულებს ქვეყნისა და საზოგადოების წინაშე ნაკისრ პასუხისმგებლობას და ვერ იქნება ქვეყნის დამოუკიდებლობის, მისი ტერიტორიული მთლიანობის შენარჩუნებისა და განვითარების გარანტი”, – ნათქვამია პეტიციის ტექსტში, რომელსაც ამ დროისთვის 7676 ადამიანი აწერს ხელს.

იტვირთბა....