fbpx
ახალი ამბები მთავარი საზოგადოება

“მუხლმოდრეკილი გევედრებით დავდგეთ ერთად” – სარალიძე ემიგრანტებს მიმართავს

ხორავას ქუცაზე სისხლიანი გარჩევის დროს მოკლული მოზარდის დავით სარალიძის მამა ზაზა სარალიძე, სოციალურ ქსელში წერილს აქვეყნებს, და ემიგრანტებს თხოვნით მიმართავს.

როგორც სარალიძე წერს, მათი თანადგომა აუცილებელია.

“ჩემი მოკრძალებული თხოვნა ემიგრანტებს.

გთხოვთ სადაც იმყოფებით ჩვენთან ერთად ებრძოლოთ უსამართლობას.ემიგრანტების მხრებზე დგას დღეს საქართველო და ნუ მივცემთ საშუალებას მკვლელებს გაიმარჯვონ.

დღეს თქვენი თანადგომა აუცილებელზე მეტია ჩვენი ქვეყნისთვის და მომავლისთვის.

მუხლმოდრეკილი გევედრებით დავდგეთ ერთად და ერთხელდა სამუდამოდ დავამარცხოთ შერჩევითი სამართალი.

ჩვენი შვილების მომავალი საფრთხეშია.რისთვის ვასწავლით შვილებს თუ საკუთარ ქვეყანაში მომავალი არ აქვთ.რისთვის ვწვალობთ რისთვის ხართ გადახვეწილი საკუთარი ოჯახებიდან თუ აქ შვილები დაგვიხოცეს და გაგვინადგურეს.

ჩვენ ჩვენი მომავალი და გვარის გამგრძელებლები აღარ გაგვაჩნია,სადისტურად მოგვიკლეს,მაგრამ არ მივცემთ საშუალებას მკვლელებს თქვენი და საქართველოს მომავალი გაანადგურონ გაანადგურონ.

ვისაც შეგიძლიათ გამოდით სადაც ხართ და სოლიდარობის აქციებით შემოგვიერთდით.

ჩემმა მეუღლემ შვილს ცოცხალს ვეღარ ჩამოუსწრო და მისი ბოლო გულისცემა ვეღარ შეიგრძნო.არ დაელოდა მონატრებულ დედიკოს. 12 ჭრილობიდან სისხლი აფრქვევდა მისი სხეულიდან.მხოლოდ მის გაციებულ ხელებს ათბობდა და ამით ცდილობდა შეეგრძნო მონატრებული შვილი.მაგრამ ამაოდ.ის აღარ იღვიძებდა.

დაგვიდექით გვერდით რომ არ იყო შემდეგი.არ მინდა მეორე შვილიც, რომელსაც საამაყო ძამიკო სადისტურად მოუკლეს ვინმეს მსხვერპლი გახდეს.

დაგვიდექით გვერდით და სამართალი მაინც გვაპოვნინეთ.

ტფუი ასეც ცხოვრებას რა ვუთხარი სადაც მოკლული შვილების სულშიც კი გვიფურთხებენ.

დაგვიდექით გვერდით თქვენი შვილების მომავლის დასაცავად” – ნათქვამია ზაზა სარალიძის განცხადებაში.

შეგახსენბთ, რომ ზაზა სარალიძე 10 სქტემბრიდან, საქართველოს პარლამენტის წინ აქციებს მართავს.

სხვა ამბები

“გერმანიაში მოკლეს ჩვენი მეგობარი ზელიმხან ხანგოშვილი, ეს ტყვიები ქართული სახელმწიფოს ერთგულებისთვისაც მოხვდა”

newsadmin

სააკაშვილს ახასიათებს, რომ მის მერე ქვა ქვაზე არ უნდა დარჩეს – ჩუგოშვილი

newsadmin

“სააკაშვილისა და გვარამიას მხრიდან არის მცდელობა, რომ „რუსთავი 2“ განადგურდეს”

newsadmin

გერმანიაში ზელიმხან ხანგოშვილი მოკლეს

newsadmin

ჩუგოშვილი კერზაიას საქმეზე – სამწუხაროა,როდესაც ოჯახის წევრს რჩება განცდა, რომ გადაწყვეტილება მათ მოლოდინებს არ შეესაბამება

newsadmin

ბაჩანა შენგელია – მთავარი დამნაშავეები გახარია-ბატიაშვილი აუცილებლად გასამართლდებიან, სამართალი იზეიმებს

newsadmin
იტვირთბა....