ზუგდიდის საგამოცდო ცენტრში, პირველ სექტორში, გამოცდების მიმდინარეობის დროს თაგვების შესვლამ საგამოცდო პროცესი 3-4 წუთით შეფერხდა გამოიწვია. ინფორმაციას edu.aris.ge ავრცელებს.
“სანამ დამკვირვებლებმა დაუძახეს ცენტრის წარმომადგენლებს და გაიყვანეს ეს თაგვები, რა თქმა უნდა, ჩვენი ყურადღება მიიქცია. ზოგმა რამდენიმე წუთით შეწყვიტა წერა, ზოგმა – არა”, – განაცხადა აბიტურიენტმა.
საგამოცდო ცენტრის ხელმძღვანელის ნანა ქირიას თქმით კი, აღნიშნულის გამო პროცესი არ შეფერხებულა.
რაც შეეხება კონდიცირების სისტემას, მისივე ინფორმაციით, სამონტაჟო სამუშაოები დღეს ინტენსიურად გაგრძელდება.
ზუგდიდის მეორე საჯარო სკოლაში, სადაც გამოცდა ქართულ ენასა და ლიტერატურაში მიმდინარეობს, დღეს რეგისტრირებული 428 აბიტურიენტიდან 3 მათგანი არ გამოცხადდა.
“სხვა რამე შეფერხება არ ყოფილა. გამოცდები მშვიდ ვითარებაში ტარდება”, – აღნიშნა ქირიამ.