რუსთავში, რუსთაველის ქუჩაზე ადგილობრივმა მაცხოვრებელმა სახლიდან არწივის ფიტული გადმოაგდო. აღნიშნულ ინფორმაციას “ინფო რუსთავი” ავრცელებს.
“ინფო რუსთავს” მოქალაქე დაუკავშირდა და შეატყობინა რომ რუსთავში, რუსთაველის ქუჩაზე არწივი ჩამოვარდა.
რუსთაველის ქუჩაზე საკმაოდ დიდი ფრინველი პირდაპირ ტროტუარზე ეგდო. ადგილობრივებთან საუბარში გაირკვა რომ ეს იყო არწივის ფიტული, რომელიც მეზობელმა გამოიტანა და გადააგდო.
ფრინველს სუნი ასდიოდა, იმის გამო რომ არ მომხდარიყო მცირეწლოვანების კონტაქტი გახრწნილ ფრინველთან, ქალაქის დასუფთავების სამსახურს დავუკავშირდით და აღნიშნულის შესახებ ვაცნობეთ. ააიპ რუსთავსერვის ცენტრის თანამშრომლებმა ფრინველი ტერიტორიიდან გაიტანეს.