გერმანიაში, ქალაქ დრეზდენში საქართველოს ოთხი მოქალაქე დააკავეს. ამის შესახებ ინფორმაციას გამოცემა zeit.de ავრცელებს. გამოცემის ინფორმაციით, ორმა ქართველმა იჩხუბა, რის გამოც დაცვის სამსახურმა პოლიცია გამოიძახა. ინციდენტი ქალაქ დრეზდენში მიგრანტთა მიღებისა და დროებითი განთავსების ცენტრში მოხდა. ადგილზე მისულ სამართალდამცველებს თავს დაესხნენ. შეტაკების შედეგად კი ორი პოლიციელი და ერთი დაცვის თანამშრომლი დაშავდა.