კასპში დააკავეს პირი, რომელიც საკუთარი ძმის მკვლელობაშია ეჭვმიტანილი.
შემთხვევა გუშინ გვიან ღამით მოხდა. წინასწარი ინფორმაციით, კონფლიქტის შემდეგ, ურთიერთშელაპარაკების ნიადაგზე დაწყებული დავა, სერიოზულ დაპირისპირებაში გადაიზარდა. მკვლელობა განხორციელებულია ცივი იარაღით. მკვლელობაში ეჭვმიტანილი პოლიციამ ცხელ კვალზე, მომხდარიდან მალევე დააკავა.
მომხდარ ფაქტზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.