მეწყერსაშიში ვითარება: ზუგდიდი-მესტიის მონაკვეთზე მოძრაობა შეზღუდულია

ზუგდიდი-ჯვარი-მესტია-ლასდილის გზაზე მოძრაობა შეზღუდულია. მეწყერსაშიში ვითარების გამო გზის გაწმენდითი სამუშაოების დაწყება ამ დრომდე ვერ ხერხდება. სვანეთში ასვლას ტურისტები უკვე მეოთხე დღეა ვერ ახერხებენ. გზის სამ მონაკვეთზე არსებული პრობლემების გამო ამ პერიოდში 180-მდე ტურისტს უკან მობრუნება მოუწია. პრობლემები შავღელესთან, ლაჯურღურას მონაკვეთსა და იფართან არის – მეწყერთან ერთად არის ქვების ცვენის საშიშროება.