პანკისის ხეობის მცხოვრებმა მურად ალდამოვმა ჟურნალისტებთან საუბრის დროს აღნიშნა, რომ თუ გამოძიება ობიექტურად და სწრაფად არ ჩატარდება, ვნებათაღელვა არ ჩაცხრება და შეიძლება თბილისში, პროკურატურასთნ გადაინაცვლოს.
„არავინ იკადრა ჩვენთან ჩამოსვლა, მხოლოდ კახეთის გუბერნატორმა და ახმეტის რაიონის მაჟორიტარმა დეპუტატმა თავიანთ აქტივისტებთან დახურული შეხვედრა გამართეს. მოსახლეობაში გაჩნდა ეჭვები, საერთოდ არის კი ეს საქმე გამოძიებაში?! ხომ არ უნდათ დროის გაყვანა, რომ ჩაწყნარდეს ემოციები და მივიწყებაში მიეცეს ეს საქმე?! ვითხოვთ, ოჯახს დაუკავშირდნენ, ახსნა-განმარტება მისცენ, რატომ იწელება დრო“, – განაცხადა ალდამოვმა.