პატრიარქის აღსაყდრების 40 წლის იუბილესთან დაკავშირებული დახურული ვახშამი გაიმართა. ღონისძიებაზე მოწვეულ სტუმრებს ილია მეორემ პოლიტიკური მოწოდებებით მიმართა.
პატრიარქის გამოსვლის მცირე ნაწილი სოციალურ ქსელში გავრცელდა, იგი ოპოზიციას მოუწოდებს თავი შეიკავონ ხელისუფლების კრიტიკისგან და მათთან კონსტრუქციული თანამშრომლობის გზა აირჩიონ.
პატრიარქის პოლიტიკურ გზავნილს დარბაზში ერთად ისმენდნენ ოპოზიცია და ხელისუფლება. დარბაზში იმყოფებოდა საქართველოს პრემიერი, პარლამენტის თავმჯდომარე და რამდენიმე მინისტრი.