უკრაინის გენერალურმა პროკურორმა იური ლუცენკომ ტელეარხ NewsOne-სთან საუბრისას აღნიშნა, რომ სამართალდამცველებმა კიევში „რუსული ზამთრის“ სცენარი გაანეიტრალეს:
„ჩვენ შევძელით ძალისმიერი სცენარის განვითარების საფრთხის აღკვეთა. ვფიქრობ, ჩვენს სპეცსამსახურებს მადლობა უნდა გადავუხადოთ კიევში „რუსული ზამთრის“ მოსკოვში დაგეგმილი სცენარის ნეიტრალიზებისთვის“, – განაცხადა ლუცენკომ, რომლის თქმითვე, უკრაინაში სააკაშვილის ქმედებები მოსკოვის გეგმის მცირე ნაწილია:
„შემიძლია დავაანონსო, რომ გაგრძელება იქნება. სხვა ცნობილი უკრაინელი პოლიტიკოსები ასევე ჩართულნი არიან უფრო სახიფათო თამაშებში და ჩვენ საზოგადოებას ამის შესახებ აუცილებლად მოვახსენებთ“, – განმარტა მან.