საქართველოს პირველი პრეზიდენტის მკვლელობის საქმის მასალების მიღებას ზვიად გამსახურდიას ოჯახი პროკურატურისგან ამ დრომდე ელოდება.
ადვოკატის თქმით, ოჯახი ქართულ გამოძიებას უნდობლობას უცხადებს და მასალების მიღებისთანავე ევროპის ადამიანის უფლებათა სასამართლოს მიმართავს.
შეგახსენებთ, რომ კონსტანტინე გამსახურდიას პროკურატურამ დაზარალებულის სტატუსი ერთი თვის წინ მიანიჭა.
პროკურატურის დადგენილებაში, ასევე, განმარტებულია, რომ გამოძიება თვითმკვლელობამდე მიყვანიდან მკვლელობის მუხლით 2015 წელს გადაკვალიფიცირდა.