გომბორის უღელტეხილზე ავტოსაგზაო შემთხვევის შედეგად ერთი პირი დაიღუპა, ხოლო ორი ადამიანი დაშავდა.
ერთმანეთს ავტომანქანა „ვაზ-2107“ და პიკაპის მარკის ავტომობილები შეეჯახნენ. დაშავებულები სასწრაფო დახმარების ბრიგადამ თბილისის პირველ კლინიკურ საავადმყოფოში გადაიყვანა.
შსს-ს ცნობით, გამოძიება 276-ე მუხლის მე-5 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.