რადიოსადგურ „ეხო მასკვის“ ჟურნალისტ ტატიანა ფელგენგაუერის თავდასხმაში ეჭვმიტანილ ბორის გრიცს მოსკოვის სასამართლომ ორთვიანი პატიმრობა მიუსაჯა, – ამის შესახებ ინფორმაციას სააგენტო ТАСС ავრცელებს.
რუსეთისა და ისრაელის მოქალაქეს ბრალი მკვლელობის მცდელობის მუხლით წაუყენეს.
შეგახსენებთ, რომ 23 ოქტომბერს, ცივი იარაღით შეიარაღებული მამაკაცი “ეხო მასკვის” ჟურნალისტს ტატიანა ფელგენგაუერს რედაქციაში თავს დაესხა და ყელის არეში დაჭრა. ექიმების ცნობით, მის სიცოცხლეს საფრთხე არ ემუქრება. წინასწარი ინფორმაციით, თავდასხმა პირად კონფლიქტს უკავშირდება.