“არცთუ ცოტა პოლიტიკური პარტია უნდა გავიდეს შვებულებაში მაინც, თუ პენსიაზე არა”

ჟურნალისტი ინგა გრიგოლია სოციალურ ქსელში შემდეგი სახის პოსტს აქვეყნებს:

„ამ არჩევნებმა ერთი რამ ცხადყო… მგონი, არცთუ ცოტა პოლიტიკოსი და პოლიტიკური პარტია უნდა გავიდეს შვებულებაში მაინც, თუ პენსიაზე არა… მე კი ყველაფერს ვაშუქებ და გავაშუქებ, მაგრამ ფაქტი სახეზეა.

P.S. ჩემი რესპონდენტების საწყენად არ ვამბობ, იმედია, კარგად იკითხება, რასაც ვამბობ”, – წერს გრიგოლია.

ცესკო-ს ამდრომდე გამოქვეყნებული მონაცემები ასე გამოიყურება:

„ქართული ოცნება – დემოკრატიული საქართველო“ – 811 682 (55.66 %);

„ერთიანი ნაციონალური მოძრაობა“ – 248 615 (17.05 %);

„ბაქრაძე, უგულავა – ევროპული საქართველო“ – 153 264(10.51 %);

„დავით თარხან-მოურავი, ირმა ინაშვილი – საქართველოს პატრიოტთა ალიანსი“ – 95 212(6.53 %);

მიიღებს თუ არა მონაწილეობას თვითმმართველობის არჩევნების მეორე ტურში ”ნაციონალური მოძრაობა” დღეს გახდება ცნობილი. ამ საკითხთან დაკავშირებით პარტიის პოლიტსაბჭოს სხდომაა დანიშნული. გარდა ამ საკითხისა, პოლიტსაბჭოს დღევანდელ სხდომაზე პარტიის ლიდერები ზოგადად, სამომავლო გეგმებთან დაკავშირებითაც იმსჯელებენ. პოლიტსაბჭოს სხდომა პარტიის ცენტრალურ ოფისში 15:00 საათზე დაიწყება. მეორე ტურში ”ნაციონალური მოძრაობიდან” მარტვილის მერობის კანდიდატი მამუკა დანელია და ქუთაისის მერობის კანდიდატი გრიგოლ ვაშაძე გავიდნენ.