აზიური ფაროსანა ადამიანის ჯანმრთელობისთვის საშიში არ არის, -ამის შესახებ “მეტრონომს” “დაავადებათა კონტროლის და საზოგადოებრივი ჯანმრთელობის ეროვნული ცენტრის“ გენერალური დირექტორის მოადგილემ, პაატა იმნაძემ განუცხადა.
მისი თქმით, მწერს მხოლოდ მცენარეებისთვის მოაქვს ზიანი:
“აზიური ფაროსანა არ არის არანაირი დაავადების გადამტანი მწერი და არც მის ნაკბენს მოაქვს ადამიანისთვის რაიმე სახის ზიანი. შესაბამისად, ჩვენი ყურადღების ქვეშ არ ექცევა”-განუცხადა იმნაძემ “მეტრონომს”.
შეგახსენებთ, რომ რამდენიმე მოქალაქის განცხადებით, აზიური ფაროსანა თბილისშიც შენიშნეს. ხოლო ზოგიერთი მათგანის მტკიცებით, ფაროსანას კბენის შედეგად ალერგიული ფონი განუვითარდათ.
აზიურ ფაროსანას დასავლეთ საქართველოში კვლავ უშედეგოდ ებრძვიან.
მოაქვს თუ არა ზიანი ადამიანის ჯანმრთელობისთვის აზიურ ფაროსანას: პაატა იმნაძის კომენტარი
