აჭარა-გურიის გზაზე, ცენტრალურ ავტომაგისტრალზე ორი მიკროავტობუსი ერთმანეთს შეეჯახა. შედეგად 28 ადამიანი დაშავდა. შემთხვევა დღეს დილით მოხდა.
დაშავებულები ქობულეთის კლინიკებში არიან გადანაწილებულნი. ოთხი მათგანი რეანიმაციულ განყოფილებაშია მოთავსებული. ამის შესახებ imedinews-ი წერს.
მომხდარზე გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს, რამაც ადამიანის ჯანმრთელობის ნაკლებად მძიმე დაზიანება გამოიწვია.