ბათუმში მომხდარ აფეთქებასთან და ხანძართან დაკავშირებით ინფორმაცია ვრცელდება. შედეგად 3 ადამიანია დაშავებული. ინფორმაციას ერთ-ერთი დაშავებილის შესახებ სამედიცინო ცენტრი „მედინა“ ფეისბუქის გვერდზე ავრცელებს:
“ლეონიძის ქუჩაზე აფეთქების შედეგად ერთერთი დაშავებული გადმოყვანილია ჩვენ კლინიკაში. პაციენტის მდგომარეობა უკიდურესად მძიმეა, აღენიშნება სხეულის 90% დამწვრობა ასევე სასუნთქი გზების დამწვრობები.” – ნათქვამია კლინიკის მიერ გავრცელებულ ინფორმაციაში.
შეგახსენებთ, ბათუმში, გენერალ აბაშიძის ქუჩაზე, ცეცხლი გაზგასამართ სადგურში გაჩნდა. ,,აჭარის ტელევიზიის” ინფორმაციით, ხანძრის ლოკალიზებას ბათუმის სახანძრო-სამაშველო სამსახურის ბრიგადები მუშაობდნენ. ადგილზე მივიდა სასწრაფო სამედიცინო დახმარების ჯგუფი. ამ მომენტისთვის ხანძარი ლოკალიზებულია.