ევროკავშირის საბჭოს მიერ გავრცელებული განცხადების თანახმად, რომელიც ოფიციალურ ვებგვერდზე განთავსდა, ევროკავშირის წევრმა ქვეყნებმა ევროკავშირსა და უკრაინას შორის ასოცირების ხელშეკრულება დაამტკიცეს:
“2017 წლის 11 ივლისს, ევროკავშირის საბჭომ მიიღო გადაწყვეტილება უკრაინასთან ასოცირების ხელშეკრულების დადების პროცესის დასრულებაზე. ეს რატიფიკაციის ბოლო ეტაპი იყო. შეთანხმება ძალაში სრულად 2017 წლის 1 სექტემბრიდან შევა”, – ნათქვამია განცხადებაში.
შეგახსენებთ, რომ 11 ივნისს, უკრაინას და ევროკავშირს შორის უვიზო რეჟიმი ამოქმედდა.