“დიდი ოცეულის” სამიტის დაწყებამდე, ანტოგლობალისტებისა და ანტიკაპიტალისტების საპროტესტო აქცია გაიმართა

ჰამბურგში, “დიდი ოცეულის” სამიტის დაწყებამდე, ანტოგლობალისტებისა და ანტიკაპიტალისტების საპროტესტო აქცია გაიმართა, რომელიც პოლიციასა და დემონსტრანტებს შორის შეტაკებაში გადაიზარდა, – ინფორმაციას “როიტერი” ავრცელებს.
მანიფესტანტებსა და ძალოვნებს შორის ურთიერთობა მას შემდეგ დაიძაბა, რაც დემონსტრანტებმა პოლიციის წინააღმდეგ ბლაგვი საგნებისა და ბოთლების სროლა დაიწყეს. მანიფესტაციაში მონაწილეობა 10 000-ზე მეტმა მოქალაქემ მიიღო.
გავრცელებული ინფორმაციით, დაპირისპირებისას 75 პოლიციელი დაშავდა. ექიმების ცნობით, 15 მათგანის მდგომარეობა კრიტიკულია. სამართალდამცველებმა აქციის დასაშლელად წყლის ჭავლი და ცრემლსადენი გაზი გამოიყენეს.დაკავებულია რამდენიმე დემონსტრანტი.