იუსტიციის უმაღლესი საბჭოს მდივნად, 246 ხმით, გიორგი მიქაუტაძე აირჩიეს. ფარულ კენჭისყრაზე 25 ხმა მეორე კანდიდატს, რევაზ ნადარაიას ჰქონდა.
გიორგი მიქაუტაძემ ლევან მურუსიძე შეცვალა და იუსტიციის უმაღლესი საბჭოს მდივნის პოსტი 4 წლის ვადით ჩაიბარა.
საბჭოს მდივნობამდე, გიორგი მიქაუტაძე თბილისის საქალაქო სასამართლოს თავმჯდომარის პოსტზე მუშაობდა.
დღეს მოსამართლეთა 21-ე რიგგარეშე კონფერენცია ჩატარდა, სადაც ასევე, იუსტიციის უმაღლესი საბჭოს 4 მოსამართლე წევრი, ირაკლი ბონდარენკო, ვასილ მშვენიერაძე, დიმიტრი გვრიტიშვილი და ირაკლი შენგელია აირჩიეს.