გარემოს ეროვნული სააგენტოს ინფორმაციით, დღეს დღის მეორე ნახევარში ძლიერი ქარია მოსალოდნელი.
“8 თებერვალს, დღის მეორე ნახევრიდან და 9 თებერვალს დღის პირველ ნახევარში შავი ზღვის სანაპირო რაიონებში, კოლხეთის დაბლობზე, ზემო იმერეთსა და გორი-სურამის მონაკვეთზე მოსალოდნელია აღმოსავლეთის მიმართულების ძლიერი, დროგამოშვებით ძალიან ძლიერი ქარი. აღმოსავლეთ საქართველოს მაღალმთიან რაიონებში მოსალოდნელია ზოგან ძლიერი ქარი და ქარბუქი”, – ნათქვამია სააგენტოს მიერ გავრცელებულ განცხადებაში.