თბილისის საქალაქო სასამართლოს გადაწყვეტილებით, პოლიტიკური გაერთიანება “გირჩის” ლიდერი ზურაბ ჯაფარიძე, მცირე ოდენობით ნარკოტიკული საშუალების შემცველი მცენარის უკანონო დათესვა, მოყვანა, კულტივირებისთვის 500 ლარით დაჯარიმდა.
საქმე ეხება 31 დეკემბრის ღამეს, გირჩის წევრებისა და მოქალაქეების მიერ მარიხუანის საჯაროდ დათესვის საქმეს. 11 იანვარს პოლიციამ პარტიის ოფისიდან 84 ქოთანი ექსპერტიზისთვის წაიღო, თუმცა მოგვიანებით განაცხადა, რომ “გირჩის” მოსავალში საკმარისი ნარკოტიკი არ იყო.
