აშშ-ის პრეზიდენტმა დონალდ ტრამპმა Twitter-ზე გამოაქვეყნა, რომ შეერთებული შტატების სადაზვერვო უწყებას (CIA) ჯინა ჰესპელი უხელმძღვანელებს. ამერიკის ისტორიაში ამ თანამდებობაზე დანიშნული პირველი ქალი იქნება.
ამავე პოსტში, ტრამპმა აშშ-ის სახელმწიფო მდივნის რექს ტილერსონის გათავისუფლების შესახებ დაწერა. ტილერსონის ადგილს CIA-ს ამჟამინდელი დირექტორი მაიკ პომპეო დაიკავებს. პრეზიდენტ დონალდ ტრამპის თქმით, პომპეო “ფანტასტიკურად გაუმკლავდება” თავის მოვალეობებს ახალ თანამდებობაზე. მან მადლობა გადაუხადა ტილერსონს გაწეული სამუშაოსთვის.