შერიგებისა და სამოქალაქო ინტეგრაციის საკითხებში სახელმწიფო მინისტრი აფხაზეთის გავლით რუსეთ-სომხეთთან დამაკავშირებელი რკინიგზის აღდგენის შესახებ მოლაპარაკებების მიმდინარეობას არ ადასტურებს. მისი თქმით, ამ საკითხს გაუგებარი ინტერპრეტაცია მიეცა, რაც საფუძველს სრულიად მოკლებულია.
“ამ დღეების განმავლობაში ბევრი ინტერპრეტაცია მიეცა გაუგებარი მიზეზებით. მე ვფიქრობ, ძალიან ცალსახა განცხადებები გაკეთდა იმ საკითხთან დაკავშირებით, რაც განიხილებოდა. რკინიგზის საკითხზე ასეთი მოლაპარაკებები არ ყოფილა და არც მიმდინარეობს”, – განაცხადა ქეთევან ციხელაშვილმა.