ფინანსთა მინისტრი მამუკა ბახტაძე დეპუტატებს 2018 წლის ბიუჯეტის პროექტი გააცნო, საპარლამენტო უმცირესობის წევრმა ხათუნა გოგორიშვილმა მინისტრს შეკითხვით მიმართა:”აპირებთ თუ არა იწამოთ ლარის სტაბილურობის?”, – ჰკითხა ხათუნა გოგორიშვილმა ფინანსთა მინისტრს.
“თქვენს ფინანსურ დეკლარაციაში თქვენი დანაზოგის დიდი ნაწილი არის აშშ დოლარში. ალბათ, თქვენ როგორც რკინიგზის ხელმძღვანელს არ გჯეროდათ ლარის გამყარების, მაგრამ როგორც ფინანსთა მინისტრი ვალდებული ხართ პირველმა იწამოთ, რომ ლარი გამყარდება და დანაზოგი გქონდეთ ლარში. აპირებთ თუ არა ამის შეცვლას?” – განაცხადა ევროპული საქართველოს წევრმა.
გოგორშვილის კითხვის პასუხად ფინანსთა სამინისტრომ დოლარში დეპოზიტების ქონა უარყო.
“ქალბატონო ხათუნა ჩემს დეკლარაციაში თუ აღმოაჩენთ, რომ ასეთი დეპოზიტი ნამდვილად მაქვს გაძლევთ საშუალებას აირჩიოთ ნებისმიერი საქველმოქმედო ორგანიზაცია და იქ გადავრიცხოთ ეს დეპოზიტი”, -განაცხადა ბახტაძემ.
2018 წლის ბიუჯეტის პროექტს პარლამენტარებს ფინანსთა მინისტრმა მამუკა ბახტაძემ გააცნო. მინისტრმა, ბიუჯეტის პარამეტრების გარდა, პარლამენტის სხდომაზე ქვეყნის საერთაშორისო ეკონომიკურ მდგომარეობაზეც ილაპარაკა.