თბილისში, ორთაჭალაში, მამა 24 წლის შვილის ცეცხლსასროლი იარაღით მკვლელობაშია ბრალდებული. შემთხვევა ბერძენის ქუჩაზე, შამოევების ოჯახში მოხდა.
მკვლელობის მოტივი უცნობია. სამართალდამცველებმა ცხედარი სამხარაულის სახელობის ექსპერტიზის ბიუროში გადაასვენეს. დაკავებულია მკვლელობაში ეჭვმიტანილიც.
როგორც “მეტრონომს” შსს-ს პრესსამსახურში განუცხადეს, მომხდარზე სისხლის სამართლის საქმე 11-108-ე და 236-ე მუხლებით აღიძრა, რაც ოჯახური კონფლიქტის ნიადაგზე ჩადენილ განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვას გულისხმობს.