გალის რაიონის სოფელ სიდაში ცოლ-ქმარი მოკლეს. როგორც ადგილობრივები ამბობენ, წურწუმიების ოჯახში თავდამსხმელები შეიჭრნენ და ცოლ-ქმარს სანადირო თოფიდან ესროლეს. ისინი ადგილზე დაიღუპნენ.
წინასწარი ინფორმაციით, მოკლულ მამაკაცს გალში რამდენიმე დღის წინ უთანხმოება მოუვიდა და ადგილობრივები არ გამორიცხავენ, რომ მკვლელობა სწორედ ამ ფაქტს უკავშირდებოდეს. სხვა დეტალები ამ დროისთვის უცნობია.
ადგილზე ე.წ. ადგილობრივი მილიცია მუშაობს.