საზოგადოებრივ მაუწყებელში გენერალურ დირექტორ ვასილ მაღლაფერიძეს, მის მრჩევლებსა და არხის აღმასრულებელი საბჭოს წარმომადგენლებს არასამთავრობო ორგანიზაციების წარმომადგენლები ხვდებიან.
შეხვედრას ესწრებიან : “საერთაშორისო გამჭვირვალობა – საქართველოს”, “კონსტიტუციის 42-ე მუხლის”, “მედიის განვითარების ფონდის” “ჯიპას”, “სტუდია მონიტორის”, “მედიაკლუბის” და ევროსაბჭოს წარმომადგენლები.
შეხვედრაზე ვასილ მაღლაფერიძემ არხის რეიტინგთან დაკავშირებით მონაცემები წარმოადგინა, რომლის მიხედვითაც, 2016 წლის დასაწყისში არხის წილი ბაზარზე 2.4% იყო, ხოლო 2017 წლის დასაწყისში 1.6%. მისი თქმით, არხი ყოველკვირეულად კარგავს მაყურებელს და საჭიროა ცვლილებები, რომ საზოგადოებრივმა მაუწყებელმა ბაზრის 15% მაინც დაიკავოს.
“ჩვენ გვინდა ცვლილებები და ვფიქრობ, რომ საზოგადოების დაკვეთაც სწორედ ცვლილებებია. თუმცა, როგორც ნებისმიერ რეფორმასთან დაკავშირებით ხდება ხოლმე, ბევრს ცვლილებები არ სურს და მას მტკივნეულად აღიქვამს”, – აღნიშნა ვასილ მაღლაფერიძემ.