“აფერუმ, იდეის ავტორსა და რეჟისორს”: პოლიტიკური კომბინაცია, რომელიც ახალ ოპოზიციას ქმნის

პოლიტიკურ დრამას უწოდებს ექსპერტი ხათუნა ლაგაზიძე გიგი უგულავას ირგვლივ ბოლო დროს განვითარებულ მოვლენებს. ის მოსალოდნელ პოლიტიკურ კომბინაციაზე საუბრობს, რაც საბოლოდ ‘ნაციონალების” ორად გაყოფით შეიძლება დასრულდეს.

“მდა, უგულავა რომ საკრებულოს წევრად ან სულაც თბილისის მერობის კანდიდატად ვიხილოთ … და “ნაცებისგან” შემდგარი ორი პარტია რომ დაეჭიდოს ერთმანეთს ადგილობრივი თვითმმართველობის არჩევნებზე გიგის და მიშას ხელმძღვანელობით, ახალ ოპოზიციასაც ძებნა აღარ დასჭირდება, აგერაა გამზადებული…

ერთი შეხედვით, ტრაგიკომედიაა, მაგრამ რეალურად ფილიგრანული ტექნიკით შესრულებული პოლიტიკური დრამა, სცენარის ავტორს და რეჟისორს ვგულისხმობ, რა თქმა უნდა.

ამ კონფიგურაციაში “რუსთავი 2”-იც აღარ წარმოადგენს ხელისუფლებისთვის თავის ტკივილს და ამიტომ, დიდი ალბათობით, ის გააგრძელებს არსებობას;