ქალაქ ოზურგეთში, წულუკიძის ქუჩაზე მცხოვრებ დ.გ.-ს საღამოს ათი საათისთვის თავს დაესხნენ და მძიმედ დაჭრეს. ინფორმაციას „გურიანიუსი“ ავრცელებს. შემთხვევა ორშაბათს, 14 ნოემბერს მოხდა:
„სახლში იყო, დაუძახეს, ეზოში გავიდა და იქვე დაჭრეს,” – განუცხადეს „გურიანიუსს“ დაზარალებულის ახლობლებმა.
მათივე ინფორმაციით დ.გ. ორივე ბარძაყის არეშია დაჭრილი და მისი ჯანმრთელობის მდგომარეობა მძიმეა.
შსს პრესსამსახურის ინფორმაციით გამოძიება სისხლის სამართლის კოდექსის 118-ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულისხმობს.