თბილისში რუსი და ქართველი ბიზნესმენების შეხვედრა ნოემბრის შუა რიცხვებში, კერძოდ, 14-15 ნოემბრისთვისაა დაგეგმილი. როგორც “ბიზნესკონტრაქტთან” საუბრისას პრემიერის პირადმა წარმომადგენელმა რუსეთთან ურთიერთობის საკითხებში ზურაბ აბაშიძემ განაცხადა, ფორუმი შედგება ნოემბრის შუა რიცხვებში.
შეხვედრაში მონაწილეობას მიიღებს 20 კაციანი ჯგუფი, რომლებიც დაინტერესებულნი არიან რუსეთ-საქართველოს სავაჭრო ურთიერთობებით.
„თემატიკას რაც შეეხება განხილული იქნება ვაჭრობა,ბიზნესი,ბიზნეს ინიციატივები და წინადადებები“.- აცხადებს აბაშიძე.
ის ასევე აღნიშავს, რომ ამ ინიციატივაში არ მონაწილეობს მთავრობა და ეს არ არის სახელისუფლებო ღონისძიება.
ზურაბ აბაშიძის მტკიცებით, შეხვედრა ხელს შეუწყობს რუსეთ-საქართველოს შორის სავაჭრო ურთიერთობებს.