თუშეთში თოვლის გამო, გზის გარკვეულ მონაკვეთზე გადაადგილება აკრძალულია. აბანოს უღელტეხილზე თოვლის საფარი 60 სანტიმეტრს აჭარბებს.
ადგილობერივი ხელისუფლების ინფორმაციით, თოვლის გამო, ადგილზე ჩარჩენილი არიან დაცული ტერიტორიების თანამშრომლები. ასევე, გარკვეულ ტერიტორიებზე გადაადგილებას ვერ ახერხებენ ადგილობრივები.
გზის გაწმენდითი სამუშაოები დაწყებულია, თუმცა თუშეთში ამ დროისთვისაც თოვს. დღეს მოთოვა გომბორის უღელტეხილზეც.