ქუთაისი სამტრედიის გზაზე მომხარი ავტოსაგზაო შემთხვევის შედეგად დაშავებულებს ოპერაცია ქუთაისის ინტერვენციულ კლინიკაში უტარდებათ. როგორც კლინიკის დირექტორმა ანჟელა ორჯონიკიძემ „ნიუპრესს“ განუცხადა, ანა ბუაძის ოპერაციამ წარმატებით ჩაიარა.
„ამ დროისთვის ოპერაცია ყბა-სახის ძვლების მრავლობითი მოტეხილობის გამო ჩაუტარდა ანა ბუაძეს. ოპერაციამ წარმატებით ჩაიარა. დაშავებულების მდგომარეობა კვლავ სტაბილურად მძიმეა. ისინი კვლავ მართვის სუნთქვაზე იმყოფებიან“,-აღნიშნა კლინიკის ხელმძღვანელმა.
შეგახსენებთ, რამდენიმე დღის წინ მომხდარ ავტოსაგზაო შემთხვევისას 4 ადამიანი დაშავდა და 3 დაიღუპა. დაშავებულებიდან სამის მდგომარეობა კვლავ სტაბილურად მძიმეა. მერაბ კვირიკაშვილი კი მკურნალობას პალატაში განაგრძობს.
წყარო: newpress.ge