“გუშინდელი სტიქიის შემდეგ 450 შეტყობინება დაფიქსირდა და 500-მდე მაშველი ამ დრომდე მუშაობს”, – ამის შესახებ შინაგან საქმეთა მინისტრმა გიორგი მღებრიშვილმა განაცხადა, რომელიც სტიქიის ზონაში, კერძოდ კი შუახევში იმყოფება.
”პრემიერ-მინისტრის დავალებით, მინისტრთა კაბინეტის წევრები ვეწვიეთ სტიქიის ზონას, ადგილზე რომ შევაფასოთ მდგომარეობა. მთელი ქვეყნის მასშტაბით შექმნილია შტაბები, რათა ოპერატიულად მოხდეს რეაგირება ყველა პრობლემაზე. რაც შეეხება შს სამინისტროს, გუშინდელის შემდეგ 450 შეტყობინება შემოვიდა, 500-მდე მაშველი ახლაც მუშაობს. ასევე ქვეყნის მასშტაბით მუშაობს 100 ერთეული ტექნიკა. რაც მთავარია არ გვაქვს ადამიანების მსხვერპლი. ჩვენი მაშველები 24 საათიან რეჟიმში მუშაობენ”, – აღნიშნა გიორგი მღებრიშვილმა.
შეგახსენებთ, საქართველოში სტიქიამ ქვეყნის რამდენიმე რეგიონი დაზაარალა. დღეს სტიქიის ადგილები მოინახულა პრემიერ-მინისტრმა გიორგი კვირიკაშვილმა.