საქართველოს მოქალაქეებისგან შემდგარი დანაშაულებრივი ჯგუფი ესპანეთის პოლიციამ დააკავა. ჯგუფი, რომელშიც 18 ადამიანი შედის, ეჭვმიტანილია მადრიდში ბინების ძარცვაში.
დანაშაულებრივი დაჯგუფება გასული წლის აპრილიდან 40-მდე ბინის ძარცვაში არის ეჭვმიტანილი. გავრცელებული ინფორმაციით, დაჯგუფების ლიდერი მათ თურქეთის ციხიდან აკონტროლებდა, სადაც ის 8 წლიან სასჯელს იხდის.
გამოძიება აღნიშნულ საქმეზე წლის დასაწყისიდან მიმდინარეობს.