ახალი ამბები მთავარი პოლიტიკა საზოგადოება

წინასაარჩევნო კვლევა: ”ქართული ოცნება” – 22,4 %, ”ნაციონალური მოძრაობა” – 21,7 %

8 ოქტომბრის საპარლამენტო არჩევნებში ”ქართულ ოცნებას” ხმას გამოკითხულთა 22,4 %, ”ნაციონალურ მოძრაობას” კი 21,7 % მისცემდა, – ამის შესახებ გერმანულ-ამერიკული ორგანიზაცია GFK-ის მიერ ჩატარებული სოციოლოგიური კვლევის შედეგებშია ნათქვამი.

ორგანიზაციის მიერ დასმულ შეკითხვაზე ”თუ ჩავთვლით, რომ 8 ოქტომბრის საპარლამენტო არჩევნებში მონაწილეობთ, რომელ პარტიას მისცემდით ხმას”? – რესპონდენტთა 7.8%-მა პაატა ბურჭულაძის ”სახელმწიფო ხალხისთვის” დაასახელა. 6.2% ფიქრობს, რომ 8 ოქტომბრის საპარლამენტო არჩევნებში მონაწილეობის შემთხვევაში, ხმას ”თავისუფალ დემოკრატებს” მისცემს.

რაც შეეხება სხვა პარტიებს, კვლევის შედეგები ასეთია: ”ლეიბორისტული პარტია” – 2.8%, ”პატრიოტთა ალიანსი – ირმა ინაშვილი” – 2.2%, ”ნინო ბურჯანაძე -დემოკრატიული მოძრაობა-ერთიანი საქართველო” 1.6 %, ”რესპუბლიკური პარტია” – 0.6 %, ”ახალი საქართველო -გიორგი ვაშაძე” – 0.5 %, პოლიტიკური ცენტრი ”გირჩი” – 0.3 %, ”საქართველოს გზა – სალომე ზურაბიშვილი” – 0.2 %, ”თავისუფალი საქართველო – კახა კუკავა” – 0.2 %. კვლევის მიხედვით, ”ეროვნული ფორუმის” მხარდაჭერა 0.1%-ით განისაზღვრა. არჩევნებში მონაწილეობის შემთხვევაში, ”ვეტერანების პარტიას” ხმას 0.1% მისცემდა, ჯონდი ბაღათურიას ”ქართულ დასსა” და ლადო ბედუკაძის ”ცენტრისტებს” კი – 0.1%. გამოკითხვით 0,0 %-იანი მხარდაჭერა აქვთ ”მრეწველობა გადაარჩენს საქართველოს” და ”ეროვნულ დემოკრატიულ პარტიას”.

3.9% არჩევნებში მონაწილეობის შემთხვევაში ხმას არც ერთ პარტიას არ მისცემდა. უარი პასუხზე 10.0%-მა განაცხადა, ხოლო კატეგორია ”მიჭირს პასუხის გაცემა/ჯერ არ გადამიწყვეტია” აირჩია 19.4 %-მა.

გერმანულ-ამერიკულმა ორგანიზაცია GFK-მ კვლევა ”რუსთავი 2”-ის დაკვეთით ჩაატარა.

ავიაბილეთები იაფად
იტვირთბა....

სხვა ამბები

4 თვითმფრინავი, საბრძოლო ტექნიკის 4 საცავი – რუსეთის დანაკარგები ერთ დღეში

რუსეთის ქალაქებში რამდენიმე საათში საპროტესტო გამოსვლების 714 მონაწილე დააკავეს – მედია

უკრაინელებმა რუსების შეტევები 8 მიმართულებით მოიგერიეს

უკრაინელმა მედესანტეებმა ორი რუსული თვითმფრინავი – სუ-25 და სუ-30 ჩამოაგდეს

რომან გოცირიძე: ხუთ წელიწადში ქალაქი გაუვალი გახდება

ირანის პრეზიდენტი საპროტესტო გამოსვლებზე: ამ აჯანყებას მტკიცედ უნდა გავუმკლავდეთ