„ქართული ოცნება – დემოკრატიული საქართველოს“ ახალგაზრდული ორგანიზაციის თავმჯდომარედ გიორგი ჩაკვეტაძე აირჩიეს.
ყრილობაზე დელეგატებმა გიორგი ჩაკვეტაძის კანდიდატურას ერთხმად დაუჭირეს მხარი.
გიორგი ჩაკვეტაძე იყო საქართველოს ახალგაზრდობის წარმომადგენელი იუნესკო-ში, განათლება მიღებული აქვს ტალინის ტექნოლოგიების, ასევე კავკასიის უნივერსიტეტში სამართლის სპეციალობით.
ყრილობაზე სიტყვით გამოვიდნენ პრემიერი გიორგი კვირიკაშვილი და ვიცე პრემიერი, კახი კალაძე.