ნახევარ მილიონზე მეტმა ადამიანმა დიდ ბრიტანეთში რეფერენდუმის ხელახლა ჩატარების შესახებ პეტიციას მოაწერა ხელი. ინფორმაციას BBC ავრცელებს.
პეტიციაში 555 000-ზე მეტი ადამიანი მოითხოვს ევროკავშირში წევრობის საკითხზე რეფერენდუმის შესახებ ახალი რეგულაციის დაწესებას.
ამ ინიციატივის თანახმად, ხელახალი რეფერენდუმი უნდა ტარდებოდეს იმ შემთხვევაში, თუ რეფერენდუმში მონაწილე ამომრჩევლის აქტივობა 75%-ზე ნაკლები იყო.
დიდი ბრიტანეთის პარლამენტი ვალდებულია განიხილოს ნებისმიერი პეტიცია, რომელმაც 100 000-ზე მეტი ხელმოწერა დააგროვა.
შეგახსენებთ, რომ დიდმა ბრიტანეთმა რეფერენდუმის შედეგად ევროკავშირი დატოვა.