გაზგასამართი სადგურის მიმდებარე ტერიტორიაზე ორ ტრაილერს ცეცხლი გაუჩნდა. შემთხვევა ზესტაფონში მოხდა.
ცეცხლი თავიდან ერთ ტრაილერს გაუჩნდა, შემდეგ კი მეორეს გადაედო.
ცეცხლის გაჩენის მიზეზები ჯერჯერობით უცნობია. წინასწარი ინფორმაციით, ტრაილერი გადახურდა და მას ცეცხლი ელექტროსადენებიდან გაუჩნდა.
ცეცხლი ზესტაფონის და თერჯოლის სახანძრო-სამაშველო ბრიგადებმა ჩააქრეს. შემთხვევის შედეგად არავინ დაშავებულა.
ფაქტზე გამოძიება “სისხლის სამართლის კოდექსის” 187-ე მუხლის მეორე ნაწილით მიმდინარეობს, რაც ნივთის გაუფრთხილებლობით დაზიანებას ან განადგურებას გულისხმობს.