რუსეთში, კარელიის რესპუბლიკაში მომხდარი ტრაგიკული შემთხვევის შედეგად 11 ბავშვი დაიღუპა, ამის შესახებ რუსული მედია იტყობინება.
მედიის ცნობით, კარელიის სამოზეროს ტბაზე დასასვენებლად 47 ბავშვი და 4 უფროსი ჩავიდა. ღამის საათებში მომხდარი შტორმის შედეგად კი მათი ნავები გადაბრუნდა.
გავრცელებული ინფორმაციით, ჯგუფში ძირითადად, 12-დან 15 წლამდე ბავშვები იყვნენ. ამჟამად მაშველები 4 ბავშვს ეძებენ.
მომხდართან დაკავშირებით მიმდინარეობს გამოძიება.