რამდენად განსხვავდება ქალისა და კაცის ანაზღაურება საქართველოში

საქსტატის 2016 წლის პირველი კვარტლის მონაცემებს აქვეყნებს. სტატისტიკის ეროვნული სამსახურის ინფორმაციით, საქართველოში საშუალო თვიური ანაზღაურება 913 ლარს შეადგენს. ყველაზე მაღალანაზღაურებად სფეროდ საფინანსო საქმიანობა ითვლება, სადაც საშუალო თვიური ანაზღაურება 1748 ლარია. საქართველოში ყველაზე დაბალი თვიური ანაზღაურება კვლავ განათლების სფეროშია და ის თვეში საშუალოდ 488 ლარს შეადგენს.

მამაკაცის საშუალო თვიური ანაზღაურება საქართველოში 1106 ლარია, ხოლო ქალის კი 696 ლარია. ქალისა და მამაკაცის საშუალო ანაზღაურება საქართველოში თითქმის ყველა სფეროში განსხვავდება:

საფინანსო სექტორი: ქალი – 1276 ლარი, კაცი – 2471 ლარი

ელექტროენერგიის, აირისა და წყლის წარმოება და განაწილება: ქალი – 1111 ლარი, კაცი – 1100 ლარი

სახელმწიფო მმართველობა: ქალი – 1236 ლარი, კაცი – 1358 ლარი

მშენებლობა: ქალი -1010 ლარი, კაცი – 1389 ლარი

ჯანმრთელობის დაცვა: ქალი – 751 ლარი, კაცი – 1173 ლარი

განათლება: ქალი – 466 ლარი, კაცი – 566 ლარი

ტრანსპორტი და კავშირგაბმულობა: ქალი – 952 ლარი, კაცი – 1235 ლარი

სასტუმროები და რესტორნები: ქალი – 565 ლარი, კაცი – 784 ლარი

დამამუშავებელი მრეწველობა: ქალი – 551 ლარი, კაცი – 887 ლარი

სოფლის მეურნეობა: ქალი – 492 ლარი, კაცი – 577 ლარი.