X ფაქტორის მეოთხე ლაივ-კონცერტზე პროექტის ერთ-ერთი ფავორიტი მონაწილე, დათუნა ლაზარიშვილი, ნიკა გვარამიას კრიტიკის ობიექტი გახდა.
ნიკა გვარამიას თქმით, მონაწილე კონკურსის მიმდინარეობისას პროფესიულად არ გაიზარდა.
პროექტის ბოლოს აღმოჩნდა, რომ დათუნა აუტსაიდერებშიც მოხვდა. ის ჟიურიმ გადაარჩინა.
ლაზარიშვილის დედა, კომპოზიტორი მაიკო კაჭკაჭიშვილი სოციალურ ქსელში წერს:
“ამდენი ხანი ანალიზს ვუკეთებ ნიკა გვარამიას კომენტარს და ვერცერთი მხრიდან ვერ მივუდექი რომ სწორად გავიგო. მულტფილმის “საუნდთრეკზე” მეტი რა უნდა გაეკეთებინა? მითხარით? ერთ ფრაზას ისეთი კუდი გაუკეთა, რომ ნებისმიერ კონკურსს ის ერთი ფრაზა მირჩევნია. საყვედურს არ გამოვხატავ უბრალოდ ვცდილობ ჩავწვდე კომენტარს ღრმად და არ გამომდის. შვილზე არ ვლაპარაკობ ვლაპარაკობ მუსიკოსზე რომელიც ჯილდოდ მერგო (არა მარტო მე, თქვენც) და ალბათ დამსახურებულად…” – წერს მაიკო კაჭკაჭიშვილი.
პროექტი ნინა სუბლატის გუნდის წევრმა, ნინა ყიფშიძემ დატოვა.