Facebook-მა შემთხვევით ფილიპინებს ომის დაწყება აუწყა. მიზეზი ქვეყნის დროშა გახდა, რომელიც სოციალურმა ქსელმა ფილიპინებინების დამოუკიდებლობის 117-ე წლისთავის აღნიშვნასთან დაკავშირებით დადო ტექსტით “გილოცავთ დამოუკიდებლობის დღეს”.
თუმცა, Facebook-მა დროშა შეცდომით უკუღმა დადო – ლურჯის ნაცვლად ზემოთ წითელი ფერით. ფილიპინები დროშას ფერების ასეთი მიმდევრობით მხოლოდ ომის შემთხვევაში იყენებს.
Facebook-მა შეცდომა მას შემდეგ გამოასწორა, რაც მომხმარებლებმა დაწერეს, რომ “არ იცოდნენ, თუ ქვეყანაში ომი დაიწყო”.
Facebook-ის წარმომადგენელმა ფილიპინებს ბოდიში მოუხადა.
“შეცდომა შემთხვევით მოგვივიდა, ბოდიშს ვიხდით. ჩვენ ვზრუნავთ ჩვენს ფილიპინელ მომხმარებლებზე და გვინდოდა, რომ მათთვის დამოუკიდებლობის დღე მიგველოცა, თუმცა შეცდომა მოგვივიდა”, – განაცხადა სოციალური ქსელის წარმომადგენელმა.