აშშ-ის ქალაქ ორლანდოში მომხდარი მასობრივი მკვლელობისთვის პასუხისმგებლობა ტერორისტულმა დაჯგუფება „ისლამურმა სახელმწიფომ“ აიღო.
შესაბამისი ინფორმაცია ISIS კუთვნილმა მედიასააგენტომ „ამაქმა“ გაავრცელა.
“ორლანდოს გეიკლუბში მომხდარი შეიარაღებული თავდახსმა, რომლის შედეგადაც 100-მდე ადამიანი დაიჭრა და გარდაიცვალა, “ისლამური სახელმწიფოს” მეომრების მიერ იყო ორგანიზებული,” – ნათქვამია “ამაქის” მიერ გავრცელებულ განცხადებაში.
ბოლო მონაცემებით, ფლორიდის შტატში მომხდარ ტერორისტულ აქტს 50 ადამიანი ემსხვერპლა, 53 კი დაშავდა. ქალაქ ორლანდოში შეიარაღებული თავდასხმა ღამით ერთ-ერთ გეი კლუბზე ეროვნებით ავღანელმა, ამერიკის მოქალაქემ ომარ მატინმა განახორციელა. ის პოლიციამ ადგილზე მოკლა.
თავდასხმა 11 სექტემბრის ტერაქტის შემდეგ, ყველაზე სისხლიან ტერაქტად შეფასდა.