აშშ-ში, ცინცინატის ზოოპარკში მომხდარმა შემთხვევამ საპროტესტო ტალღა გამოიწვია.
გუშინ, 4 წლის ბიჭუნა ჩავარდა ვოლიერში, გორილასთან. ცინცინატის ზოოპარკის დირექცია ბიჭუნას უსაფრთხოების გამო იძულებული გახდა გორილა მოეკლა.
მოსახლეობის ნაწილმა მკაცრად გააპროტესტა დირექციის გადაწყვეტილება და გორილას მოკვლა არასაჭირო ნაბიჯად შეაფასა. ნაწილმა კი უყურადღებო მშობლის დასჯა მოითხოვა, რომლის გამოც ბიჭუნა ვოლიერში ჩავარდა და ამას გორილა შეეწირა.
ცინცინატის ზოოპარკს სხვა ზოოპარკები მხარს უჭერენ და აცხადებენ, რომ დირექციამ გონივრული გადაწყვეტილება მიიღო.
CNN